عرض للطباعة
انا عملت موضوع عن اني اكلت مطب فلقيت ان ناس كتير ردت واضح ان الموضوع بقا خبره يعني ربنا يخليلنا شورعنا
الت اعمل موضوع نشوف كده تجارب الناس مع شوارع المحروسه
1/كلت المطب علي سرعه كام
2/عربيه نوعها ايه
3/اخدت المطب ازاي فرملت بعدين سيبت ولا دخلت عليه زي الوحش ولا ايه
4/ايه هي الخساير الي طلعت بيها من الموضوع
وربنا يخليلنا شوارعنا
ظريف الموضوع ده
اجمد مطب اخدته كان مطب صناعي في مدخل مدينة 6 أكتوبر قبل هايبر وان
الكلام ده كان في 2006 وكان بعد المحور مباشرة في اتجاه 6 أكتوبر كان الطريق عادي دوغري وصغير وبعدين تم توسعته كتير انما لازم تنزل من المحور وتدخل شمال انما لو كملت دوغري يبقى هتدخل في طريق داخلي حطوا فيه مطب صناعي زي الفل
واضح اني كنت من اوائل مجربي الطريق ده والظريف كمان ان الوقت ده كان وقت ماتش نهائي كاس العالم 2006 (مليش في الكورة) والشارع مفيهوش (صريخ ابن يومين) وبالتالي مش شايف حد قدامي بيمشي في الطريق الجديد شمال علشان اعمل زيه
ولذلك كملت دوغري عادي.
نازل من المحور بسرعة مثلا 90 كم وأفاجأ بالمطب الصناعي الجبار ده وألحق يا دوب ادوس على الفرامل لتطير العربية وتنزل زي الأفلام الأمريكي بس الحمد لله كملت ومشيت ورحت هايبر وان اللي كنت رايحه
العربية : سكودا فيليشيا
التلفيات : الكبالن وتيل الفرامل
الحمد لله على قد كده
مطب عزبة مظهر ابو العز الخرافي (ايام عزه) طريق رأس البر - المنصورة
السرعة 90 -100
بولو 99
اول ما شوفته مالحقتش ادوس فرامل خدت شمال قوي و طلعت المطب بزاوية ناحية اليمين بدون فرامل
تجربة ناجحة
لا خسائر وقتية نهائي ..العربية قفزت في الهواء تماما و نزلت على الأرض و نطت مرة و فضلت ماشية :)
بس اللي جنبه راسه خبطت في القزاز أو السقف مش فاكر و قعد يشتم فيا (لحد النهاردة) هههههههه
مطب تحفه فى المعادى صقر قريش
السرعة كانت 80 تقريبا العربية اخدت خبطه محترمه من تحت بس محصلش حاجة الحمد لله عشان عربيتى هوندا سيفك 1993 و مصفحه من تحت :)
فكرة لذيذة لأن دايما بيكون ليها ذكرى لا تنسى
اعتقد اجمد مطب كان على طريق راس البر امام الميناء مباشرة كان سنة 2006 الساعة 12 ليلا وكنت على 100 بس المشكلة ان العربية كانت محملة 7 أشخاص (كلهم بالغين وزن اقل واحد فيهم لا يقل عن 70 ) والحمد لله العربية طارت بدون مبالغة
ومشفتش خسائر لحظتها بس بعد كده غيرت شوية حاجات كثير في العفشة والحمد لله على كل حال.......
هو انا مطب علي طريق راس البر المنصوره برضه و عالي و مش بايناقتباس:
مطب عزبة مظهر ابو العز الخرافي (ايام عزه) طريق رأس البر - المنصورة
اخدته مره بالسويفت
و مره التانيه بالياريس:)
و الاتنين علي سرعه 100
و ما وقفتش ولا ضربت فرمله
زي ما كنت ماشي لطشت فيه
و الحمد لله مكنش فيه خساير ابدا
اقتباس:
المشاركة الأصلية كتبت بواسطة hazem_khidr
يبقى هو يا حازم
مطب بعد ملف
و الشرع مش منور معظم الأيام
و مافيش علامة مطب قدامة (بس مكتوب بدالها عزبة مظهر ابو العز:biggrin24: )
مطب بس اييه كوبري ناقصه درابزين و الناس تعدي من فوقه ههههههه
مطب فى اللى جنب تراك الخيل بتاع نادى الشمس وانت رايح على الجراج فى جسر السويس
السرعة : 70 أو أكتر حاجة بسيطة وفرملت فبله ب متر أو متر ونص وسبت الفرامل قبل المطب على طول
العربية: أوبل فيكترا 97 Cd
التلفيات : مفيش والحمد لله
لسبب ما كانوا حاطين مطب حديد لمدة يوم (مفاجأة) للناس اللي داخلة أكتوبر .. كان مكانه قدام دار الفؤاد بالضبط بس في إتجاه 6 أكتوبر .. الكلام ده من 6 شهور تقريباَ
و طبعا لأن الناس عارفة إن مفيش مطبات في الحتة دي و ده مين العبيط اللي يحط مطب علي طريق سريع من غير تحذيرات .. فا كله كان بيلبسه بثقة .. تلاقي 4 عربيات طايرين مع بعض في الهوا كدة في عرض فني جميل .. انا جي من بعيد علي 100 تقريباَ لقيت العربيات قدامي بتطير .. فرملت لحد 60 و لبسته بالباقي .. مكنش فيه خساير غير في الأعصاب الحمد لله ، و لأنه حديد فا كان عنيف شوية .
الواحد من كتر المطباط فى الشوارع محتاج كتاب
على فكرة فى مطباط كتير كويسة و معمولة هندسية ذى الموجودة امام نادى الشمس
المطب عريض و ارتفاعة صح
ودة للاسف نسبة بسيطة بالنسبة لعدد المطباط فى الشوارع
طب حد يعرف اية هية مواصفاط المطب الهندسى ؟؟؟؟؟؟؟؟؟؟
:011:
اعتقد ارتفاعه لا يزيد عن 15 سم
انما فى مصر بيعملواه لا يقل عن 50 سم
فيه طريقة حلوة أوي لمعرفة مكان بعض المطبات والدي قالي عليها
لما تلاقي نفسك مقرب على منطقة سكنية أو عزبة أو قرية ... إلخ
لازم تهدي لأن كل واحد عايز يطلع زكاة عن عياله بيعمل مطب
وعلى فكرة المطبات الي في طريق المنصورة رأس البر ، المحافظ الجديد ربنا يكرمه شالها كلها ، الراجل ده بيكره المطبات ، حتى الي جوا البلد اتشالوا
اقتباس:
المشاركة الأصلية كتبت بواسطة Abdo_Eldesokey
لأ هما اتشالوا علشان كان فيه زيارة من فوق امبارح :biggrin24:
المطبات الي جوة البلد اتشالت لما السيدة الي فاضة كانت جاية المنصورةاقتباس:
المشاركة الأصلية كتبت بواسطة Ahmed Samy
لكن هوا شال الي في المنصورة كله حتى الي في الأماكن الي مش هتعدي عليها
فواضح إن دي سياسته
هو بغباوته :)اقتباس:
يبقى هو يا حازم
مطب بعد ملف
و الشرع مش منور معظم الأيام
و مافيش علامة مطب قدامة (بس مكتوب بدالها عزبة مظهر ابو العز:biggrin24: )
مطب بس اييه كوبري ناقصه درابزين و الناس تعدي من فوقه ههههههه
مطب فظيع و عالي و مش باين
بس علي فكره معظم المطبات اللي علي الطرق السريعه فعلا شالوها
طريق دمياط المنصوره بيقولوا شايلين منه 70 مطب!!!!
انا مش متاكد من الرقم اوي بس حاجه زي كده
و طريق المحله طنطا نفس الشئ
كتييييييييييييييييييييييي يييييييييييييييييييييييير
بس افتكر اتنين
اولا كنت رايح دمياط الجديده و قبلها ماكنش فيه مطب في المنطقه دي و معدي عليها الصبح و مافيش مطبات طبعا بليل طاير على 135 و عادي بكلم ماما و مش مركز الا و فجئه و من غير مناسبه لقيت المطب العربيه طارت من فوق المطب و نزلت على بوزها و طبعا علشان محمله
العربيه فولكس بسات
الخسائر الحمد لله مافيش غير المصفحه البلاستيك اتشرخت
المره التانيه كنت بالنيسان صني الجيده ماشي طريق المنصوره و فيه واحد ابن تيييييييييييييييييييييييي ييييييييت ماشي مخالف و فتح زينون في وشي مره واحده ماشفتش مطب طرت من فوقه و العربيه نزلت جنب الرصيف
الخسائر اعصابي و بنطلوني الي اتبل
المكان مدينة نصر انا راجه الساعة 10 من التجمع و ماشي في شارع مصطفي النحاس اتجاه مدرسة المنهل
و ماشي 120 الطريق فاضي و السما كانت بتندع مطر عموما انا عارف ان في مطب قبل تقاطع كده
فبدوب بلمس فرامل قبل المطب بمسافه كبير و هب الاقي العربيه وخدها خحلقه
و اخد المطب علي 120 او 110 و اعدي التقاطع في الهوا الحمد لله ان مكنش في حد بيعدي التقاطع
الخسائر الحمد لله مفيش
السياره بيجو 405
و قد تم تغير الكاوتش بعد هذا الحادث بسبب انتهاء عمره الافتراضي
ماخدتش الحمد لله لحد دلوقتى مطب جامد اوى على سرعة عالية بس اخدت حفرة على اوى مدخل الدائري و سمعت صوت خبطة جامدة و العربية اترزعت جامد بس الحمد لله محصلش خساير :D اظن يعني :biggrin24:
هو المطب الغبي اللي في مدينه نصر في الطريق للربوه و لبسناه بالترتيب
كريبتون اكس بالباليو وهو داس بنزين و العربيه طارت
سومو بالفكترا
انا بالفيرنا و احنا الاتنين فرملنا و لبسناه سوا علي 90 كده
الحمد لله مفيش تلفيات لحد
عربيه كريبتون عاليه ماشاء لله محكتش
عربيه سومو وقفت كويس بالايه بي اس
انا خدته بزاويه فمحكتش الحمد لله
من شهر كدة على الكورنيش قدام القصر العيني الفرنساوي. بالضبط قدام الكوبري
الصغير اللي يوديك على القصر العيني القديم.
عبارة عن مجموعة بلاعات جنب بعضيها وعالية عن الطريق. فالحكومة استنصحت
وراحة عاملة الاسفلت حاولين البلاعات بشكل غبي وعامل مطب في نص الطريق ولازم
علشان تتفاداه يا تيجي اقصى اليمين او اقصى اليسار.
المهم انا كنت ماشي في النص وعارف مكان المطب ده كويس. ولسة بأمن في المراية
علشان امسك شمال لاقيت واحد لاصق جمبي روحت متوكل على الله وكلت المطب
بالعجلة اليمين ومراتي كانت قاعدة جامبي. كانت هاتولد قبل ميعادها ب 7 شهور
بس بعدها على طول ظبطو المنطقة ديه شوية
يعني الواحد يقول ايه غير حسبي الله ونعم الوكيل
المطبات في العالم كله بتتحط بشكل واحنا بشكل تاني
اكتشف المطبات في بلدك !
يعني لا اشارة ولا اي حاجة توضح ولا حتى المطب محطوط سليم
وفي اماكن بيكون فيها مطبات النهاردة وبكره لا والعكس
وانت وحظك
مفيش حد في مصر كلها الا واكل تلات اربع مطبات في حياته ميتنسوش
غير طبعا المطبات الكتييييييييير اللي الواحد بيكتشفها بالوحي كدة
وسبحان الله لما يجي مسئول
كأن الشوارع بقت من حرير !
انا الحمد لله اكتر واحد باكل مطبات على الطرق السريعة في بلدنا العزيزة
لكن الحمد لله انا سواقتي هادية و العملية بتعدي على خير
بس المرة اللي اترعبت فيها كانت على طريق المحلة -طنطا لان كان معايا اهلي كلهم و كنت لسه متعلم السواقة من شهور
اللي حصل ان احنا كنا رجعين بليل من المحلة و اللي عارف الطريق ده عارف كم المطبات المحترمة اللي عليه
بعد يجي "عشرين" مطب زهقت فبقيت اطلع من كل مطب عاوز اشد بالعربية عشان اوصل وكان من حظي مطب محترم محطوط بعد احد القرى اللي على الطريق" ملحوظة القرية فيها مطبين لوحدها" وخدته على 60او 70 والعربية اترزعت رزعة محترمة
المهم ان امي واخواتي فضلوا ساكتين من الخضة و بعدين لقيت امي بتسالني" انت مأخدتش بالك من المطب ولا ايه؟؟؟؟؟":eek4::eek4::eek4:
فيه مطب بره الرحاب عند الرحاب قبل البوابة و بعد مقابلة ملاك رينو و الحمدلله خدته على 60 كم
الخساير : كان فيه كاوتش ملحوم بعد المطب دا ركنت العربية و لقيت بعد كده الكاوتش على الأرض لإن اللحام فك
أنا كنت على 120 كم طريق كده في مدينة نصر عند الأزهر بشاهين
طبعا أنا إترزعت ساعتها رزعة محترمة في السقف والنضارة طارت وبعد الهبوط من الهواء مسكت الدركسيون جامد عشان متفلتش يمين ولا شمال
ومكانش في أيت أضرار
مطب بلدى يعنى معمول من الطوب والردم الأهالى عملوه بالجهود الذاتية على طريق الزقازيق ميت غمر بعربية 127 الخسائر شرخ بالقنطرة الخلفية
انهي مطب فيهم يا كبير ههههههه ده الشارع كله مطباتاقتباس:
المشاركة الأصلية كتبت بواسطة Nile_Storm
واضح كده ان طريق المنصورة دمياط ده ممتاززززززززززززز
سبعين مطب ايه بس الي اتشالوا لو الكلام ده صحيح يبقى 70 من اصل 140 :049:
انا اكلت مطب اول رمضان ع الطريق ده كنت ماشي 120 ولما كبست فرامل وصلت 100 وكلته وانا شايل رجلي من على الفرامل ..
والحمد لله ال 205 عفشتها كويسة الحمد والشكر لله مفيش خساير ..
بس قبلها ع الطريق وانا خارج من بورسعيد الفبرة بتاعت الداير اليمين قدام اتكسرت وطارت :sad4: الحمد له على كل شئ
عموما يعني احسن حل فعلا في طريق المنصورة ده الواحد يمشي ورا عربية اجره 7 راكب حافظين المطبات صممممممم :thumbsup:
كان اخر مطب فى سلسلة المطبات اللى فى طريق الحى العاشر فى اتجاة انبى (الكلام دة زمان لان معظم ان لم يكن كل المطبات دى اتشالت)
السرعة كانت 60 كيلو و دخلت فى المطب بكل سرعتى لانى لم اتوقع ان الشارع فيه 18 مطب ورا بعض و خصوصا ان الحتة دى كانت مش منورة
العربية طارت فى الهواء (4 عجلات) و اترزعت
الخسائر: لا شىء و الحمد لله
MMamdouh
ana el 7md lelah klt shwet mtabat fil blad el gmila di
awel wa7ed kanet 7agara bfdyha el 3gla z2etha le t7t el 3rbya gabet kertyret zait fetis
tany wa7ed kan fi try2 el attmya odam 7ay el asmrat keda
lbest fi bla3a kont 3la 120 we a7'do 3ala sor3ety ml7e2tesh afrmel
we tb3an tert
el 7's2er bta7 mos3ed
bas rabena satar b3diha beftra kont mashya fi nfs el try2 we wa7ed kan gnby et2lab bsb elbl3a di
we lw 7ntklem 3n btbat bladna yb2a me7tgeen kesm kamel 3an el mtbat
للاسف المطب كان على سرعة 100 في طريق القاهرة -منوف (بلدنا )
العربية - شاهين 1600 مو 2007
التاريخ - النهاردة 7/10/2008
فعلا اتشالوا شهرين بس ورجعوا تاني علي بواقي المطبات القديمه زي ما يكونوا استخسروا فينا الشارع بلا مطبات :no4:اقتباس:
المشاركة الأصلية كتبت بواسطة MMamdouh
والحمد لله ان ما فيش خسائر
العدد في اللمون
صعب افتكر بس انا باكلي كل يوم 3 - 4 مطبات كده ع الريق
مطب عمرى منسا لو حتى ولدى وكل منشوف العربية النوبيرا نفتكر المطب اللى كلنا
كونا مسفرين السويس كونا راحين لواجب العزاء لأحد الاصدقاء والدى وكونا مشين على سرعه 120 وطلعين مطلع على الطرريق وطريق السسويس طريق مقرف وفجأ فى اخر المطلع فى مطب وتشال او حفره زى الحفر بتوع كبلات الكهربة بس مش على والله ياجماعه انا لسبت المطب وحسيت انى خارج من السقف انا وبابا العربية خفيفة جدا وعفشتها زفت دانا بلبس مطبات بال405 ولا حتى بحس بيها لكن النوبيرا توبه توبه اركبها تانى بعد ..............على فكرة العربية النوبيرا برضه واانا راجع من الغردقة خدنا مطب العجلة اللى وراه سابت العربية وجريت لوحدها والله مش بهزر بتكلم جد العجله خدت الكبلن وطارت ومشيت العربية على تلت عجلات متخيلين الموقف .........بس الحمد لله ربنا ستر ...........
اولا الشوارع في جميع مصر كلها مطبات والنادر انك تلاقي شارع محترم نظيف حتى للأسف الشديد الطرق السريعة اللي مفترض انها تكون كويسة لعوامل الامان بالطبع
المهم المطب اللي انا تشرفت بلقاءه كنت على سرعة 90 وانا جي من بورسعيد مدخل الاسماعيلية الزراعي مطب صناعي محترم على طريق سريع!!!!!!!!!!! مفيش خطأ في الكتابة بقول طريق سريع وعليه 2 مطب صناعي
الاربع عجلات طاروا من على الارض وكنت ح البس في شجرة بس الحمدلله مفيش حاجة حصلت
الذيذ في الموضوع
ان ومراتي وعيالي كانوا في العربية
وكنت متخانق قبلها مع مراتي لأني اصريت على انها تلبس حزام الامان وهي رفضت
طبعا لما دخلنا في المطب دماغها خبطت في السقف مرتين وبنتي كانت نايمة ورا على الكنبة طارت ووقع في الأرض
اهم ما في الموضوع اني فرحت في مراتي
هاهاهااهاااه
طولت عليكم
كل سنة وانتم طيبين
فيه مطب علي طريق العين السخنة/القطامية قبل البوابة -عند الشرطة العسكرية
في شهر يوليو الماضي حصل انهم رحلوا مكانه للامام و كنت قادم من الغردقة الساعة 10 مساء علي سرعة 140 و بدأت اهدي علشان المطب اللي انا عارف مكانه و لما السرعة نزلت الي 120 كنت طافي النور العالي علشان كان فيه عربية تانية قدامي و فجاة .... لقيت العربية اللي قدامي في السما
بصراحة مالحقتش أفرمل و طرت انا كمان وراها و لما قولتلهم علي البوابة ان مافيش يافتة تحزيرية و ان المطب مش مدهون كويس , و كده خطر بصول بأستغراب و كأني جاي من كوكب تاني مافيهوش مطبات
طبعا مش فاكر من كترهم
-------------------------------
وهو ده العادى فى
جمهوريه مطبات (مصر سابقا)العربيه
أنا فيه مطبين مش ممكن أنساهم
واحد على طريق المنصوره دمياط و ده أكلناه بسرعة 130 كم بعربيه ابيزا العربيه طارت فى الجو ونزلت على الأرض على عجلها ووقفنا ورجعنا جبنا الفوانيس ورا وقدام والإكصدام اللى قدام لأنهم إنفصلوا عن العربيه من شدة الهبده
المطب التانى كان على طريق دمياط المنصوره وكنت أنا اللى سايق عربيتى ال405 وكنت على سرعة 110 كم تقريبا وحسيت بالإرتفاع عن الأرض برضه ونزلت والعربيه كانت متجهه بقوه الى الحاجز الأسمنتى والحمد لله تمكنت من السيطره على العربيه
الغريب بقى إن المطب الأخير ده ورغم شدته الرهيبه لم يؤثر على العربيه نهائيا ولم يؤثر على حمولتها فى الشنطه والتى كان بها الكثير من الأشياء القابله للكسر ولله الحمد والشكر
Share3 el90 fi eltagamo3 el5ames
Accent 3ala 120 marteeen warra ba3d
Share3 el90 bardooo
Daihatsu Sirion 7atto matab fi yom gedeeedd ya3ny wana mashy batklm ma3a mraty keda hobb la2eeet elmatab ro7t tayer mn 3alih bas 7amadt rabena en ana 3arabeety H/B 3ashaan keda matraza3etsh fi elmattab
Menhom lelaaah :(